EGITASMOA
1. GARDENTASUNA: gobernatzeko beste modu bat.
Udala Gobernu Onean eta etikan oinarritutako printzipioen arabera zuzendu. Kudeaketa ireki, zorrotz eta gardenaren aldeko apustua egin. Benetako eta zuzeneko komunikazio baten bitartez eta tecnología berriei ateak zabalduz.
2. HERRITARREN PARTEHARTZEA: inposaketari ez, akordioari bai.
Alderdi politiko, erakunde eta eragile sozial eta ekonomikoen arteko lankidetza Udal Gobernuaren erdigunean kokatu. Benetako eta ez urrutitik gidatutako partaidetzaren aldeko apustua egin. Zumarragarekin eraginkorra izan behar duen benetako kolaborazio bat sustatu.
3. JARDUERA EKONOMIKOA: lehentasun osoa enpleguari eta ekonomiari.
Langabeziari aurre egin eta enpresa-jarduera eta merkataritza sustatu, gizarte justuago eta kohesionatuago bat eraikitzeko oinarri gisa.
4. JUSTIZIA SOZIALA: inor ez dadila bazterrean gelditu.
Gizarte Ekimeneko Departamentua eta bere baliabideak bermatu zerbitzu desberdinak eta pertsona eta kolektibo ahulenen arreta soziala indartuz, berdintasun eta elkartasun printzipioak aplikatuz laguntzen egiaztapen hertsiarekin batera.
5. BIZI-KALITATEA: erantzun arin eta azkarra auzo eta bizilagunen beharrei.
Udal parke eta plazak, gainontzeko instalazioak, azpiegiturak eta oinarrizko zerbitzuak hobetzeko egitasmoa onartu: garbiketa, hondakinen kudeaketa, segurtasuna. Hiri inguruko auzo eta goi aldean daudenetara egoki heltzeko baliabideak bermatu. Ingurugiroarekin erlazionaturiko gaiei arreta berezia eskeini.
6. Auzo desberdinen arteko OREKA.
Auzo nahiz baserri guztiak neurri berdinean izan behar dira garrantzitsu Udalaren plangintzan. Denok hartuko dute parte Urretxu hazi araziko duen eraldatze sostengarrian.
7. INBERTSIO PUBLIKOA: proiektu estrategikoei bultzada.
Legealdiko lehentasunak Kudeaketa Plan baten barruan adostu, gaur egun arazo ekonomiko edo legalengatik geldirik edo motelduta dauden proiektu nagusiak piztu arazteko.
8. MUGIKORTASUNA ETA APARKALEKUA: garraio jasangarria bultzatu eta
aparkaleku faltari aurre egin.
Egun dauden beharrei erantzunik onena emateko neurriak adostu Urretxu eta Zumarragako auzotarren interesak kontuan hartuz.
9. EUSKARA, KULTURA ETA KIROLA: Urretxuren nortasun ikurrak.
Kirol eta kultur jardueren eskaintza hobetu. Eguneroko komunikazioa euskaraz egitea bultzatuko dugu.
10. ELKARTEGINTZA: Urretxuk herri bizia eta dinamikoa izan behar du.
Bertako talde, elkarte, kolektibo eta eragileei babes osoa eman, boluntariotzan erreleboa bermatuz eta Urretxuko elkarte ehunaren aberastasunari eutsiz.
