EGITASMOA
1. ATEZ ATEKOA KENDU ETA 5. edukiontzia eta beste edukiontzien alde egingo dugu.
Gure lehentasunetako bat da. Atez ateko bilketa sistema kendu eta edukiontzi bidezko zabor bilketaren aldeko apustua egiten dugu, eta ondorioz, organikoa biltzeko 5. edukiontzia ezarriko dugu. Eraginkorra, merkeagoa, garbiagoa eta erosoagoa da. Herri nagusienen sistema da.
2. EKONOMIA BULTZATZEKO ENPRESA MUNDUAREKIN lankidetza.
Enpresa eta merkataritza berriei herrian kalitatezko enplegua eta aberastasuna sortzeko eta IRURAren etorkizuna bermatzeko, tramiteak erraztu eta arinduko dizkion udal laguntzaile baten aldeko apustua egiten dugu.
3. Langabezian dauden Irurar guztiei udalak sortzen dituen LANETARAKO AUKERA
BERDINTASUNA BERMATU.
Irurar langabetuez osatutako udalak sortzen dituen aldi baterako garbiketa eta mantentze lanetarako zerrenda edo lan poltsak osatzea eta hauek, berdintasunez, txandaka eta zuzentasunez kudeatuak izan daitezen bultzatuko dugu. Lanbiderekin lan egingo dugu Irurako langabetuak kontratatuak izan daitezen.
4. UDAL KUDEAKETA GARDENA ETA INFORMAZIOAN OINARRITUA babestuko dugu.
Irurarren bizi kalitatea hobetuko duten proiektuen informazio osoa ematearen alde egingo dugu eta herritarren partaidetza zabala eta eztabaida bilatuko ditugu.
5. UDALA ETA HERRITARREN ARTEKO KOMUNIKAZIOA bermatuko dugu.
Euskararen erabilera lehenetsi eta bultzatuko dugu herritarrak udalarekin izan behar duen harremana aukeratzen duen hizkuntzan egiteko duen eskubidea errespetatuz eta bermatuz. Bi hizkuntza ofizialak erabiliko dira udal komunikazio eta bandoetan.
6. Ondasun higiezinen zergaren (IBI) INGURUKO HAUSNARKETA.
Gaur egun hutsik dauden etxeei %100 errekargua kobratzen zaie. Honek ez du alokairua bultzatzeko balio izan, dirua biltzeko bakarrik izan da. Etxe hutsen egoera aztertzea proposatzen dugu eta Alokabiderekin batera neurri berriak bultzatu.
7. SAN MIGUEL PLAZARAKO SARBIDEA hobetuko dugu.
San Miguel plazan autoak sartzeko aukera murrizten duen pibotea kendu eta aparkalekuak bertakoentzat bideratu. Aizpurua kalezulorako bidean dauden trabak kenduko ditugu eta Laskibar auzoko bizilagunak A-1 autobideko zaratatik babesteko,
Aldundiak soinuaren aurkako hesia jar dezan beharrezko kudeaketa egingo dugu.
8. Parkearen erabilera areagotzeko KASKAILU PLAZAKO PARKEA ESTALIKO DUGU.
Euria egiten duenean babesa edukitzeko Kaskailu plazako parkea estali eta gazteentzako ekintza eta ekipamendu berriak jartzea aztertuko dugu.
9. Hirugarren ADINEKOENTZAKO ESKAINTZA BERRIAK ETA ZERBITZUAK indartuko ditugu.
Elkarteak eskaintzen dituen zerbitzuak indartuko ditugu podologia kontsulta bat bultzatuz eta zuzendaritza taldearekin elkarlanean erretiratuentzako ekintzak eta ikastaroak antolatuko ditugu. Aldundiarekin elkarlanean pertsona nagusiak bere familia ingurunean zainduak izan daitezen laguntzeko egitasmoak bultzatuko ditugu.
10. IRURAKO HERRIA ETA ESPAZIO PUBLIKOA DINAMIZATUKO DUGU.
Espazio publikoa dinamizatuko dugu elkarlanean kultur eta kirol ekintzak bultzatuz. Bisitariak erakartzeko eta herriari bizitza emateko azoka eta ekitaldi ezberdinen antolaketa eta irurar orok parte hartu eta gozatu dezan festa egitarau irekiagoak babestuko ditugu.
