UDAL ETA FORU HAUTESKUNDEAK 2015

IÑAKI TOTORIKAGUENA

Hautagai jeltzaleak 45 urte ditu eta oso kirolzalea da. Bere helburu nagusia da 6 kofradiatan banatzen diren 14 auzok osatutako udalerri hau hobetzen segitzea.

Zuzenbidean lizentziatua, zinegotzi lanak (1999-2007) uztartu behar izan zituen aseguru enpresa bateko departamentu juridikoan zuen lanarekin. 2007 urtean alkate bihurtu zelarik, Udal Erakundearen babesa jaso du maiatzaren 24ko udal hauteskundeetan EAJ-PNVren zerrenda buru izateko.

Totorikaguenak herria definitzeko orduan esan du toki adeitsua dela eta euskal tradizioarekin lotutako hainbat ekimen garatzen direla. "14 auzok osatutako herria da,eta hauek 6 kofradiatan banatzen dira. Hurrengo legegintzaldirako erronkarik nagusiena izango da hirigunea berriztatzea eta hobetzea. Baina ez dugu ahaztuko etxebizitza berriak eraikitzea, bereziki gazteentzat, eta nekazal guneetako azpiegiturak hobetzeko lanak".

“Foru errepidearen arazoa ere konpondu behar dugu, herria bi gunetan banatzen duelako: gune berria eta gune zaharra. Banaketa honi behin betiko konponbidea bilatu behar zaio, Iurretaren garapena ekarriko lukeelako. Horretan ari gara eta herritarrek helarazi nahi dizkiguten ideiak jasotzeko prest gaude", gaineratu du EAJ-PNVren alkategaiak.

Iñaki Totorikaguena Iturburu auzoan indarberritzen da "hantxe jaio nintzen, eroso sentitzen naiz bertan. 6 eta 10 urteko semeak ditut eta beraiekin joaten naiz txirringa-txangoak egitera. Gustuko ditut musika eta zinema, eta betiko Athletikzalea naiz. Aurten hauteskundeak irabazi eta Kopako finalean nagusituko gara. Aurten bai!!”.

TALDEA

• ZORIONE FUNDAZURI URKIDI
• OSKAR KOKA LORENTE
• ITXASO GARAMENDI EGUREN
• JULIAN GOROSPE ARTABE
• AINHOA ALBIZURI BERNAOLA
• JOSE LUIS FERRERIA BIRITXINAGA
• ARRATE OLANO ORBE
• MAITE ORMAETXEA LARRINAGA
• TXOMIN BALANZATEGI ETXEBARRIA
• IÑAKI GIL GONZALEZ
• JOSEBA IÑAKI ALDEKOA-OTALORA ZAMALLOA
• ROSA Mª GARCIA PERUGORRIA
• JOSE ANTONIO SAGARNA GANDIAGA

EGITASMOA

1. 1.- Gure lehentasun nagusiak enplegua eta suspertze ekonomikoa dira.

   2.- N634 errepidearen Iurretako tartea hiri-zeharbide egin nahi dugu.

   3.- Herrigunea osorik leheneratzea sustatzen jarraituko dugu.

   4.- Herriko bizitzaren eremu guztietan euskararen erabilera sustatzen jarraituko dugu.

   5.- Adinekoen bizi-kalitatea bermatuko dugu, eta, horretarako, beraientzako zerbitzuak indartuko ditugu

   6.- Auzo eta kofradiekin elkarrizketa zuzena egiteko beharra planteatzen dugu.

   7.- Iurretako gazteen aukerak ezagutu nahi ditugu

   8.- Emakumeen ahalduntzea sustatuko dugu, genero-indarkeriari aurre egiteko.

   9.- Gure kudeaketan, partaidetza- eta gardentasun-mekanismoak sustatzen jarraituko dugu.

   10 Etxebizitza babestua duten egoitza-sektoreak garatzeko konpromisoa hartzen dugu.

10. Vivienda. Nos comprometemos a desarrollar los sectores residenciales que dispongan de vivienda protegida.