UDAL ETA FORU HAUTESKUNDEAK 2015

UNAI ANDRAKA

Oraingo alkatearen erronka izango da Udalak herritarrekin dituen harremanak eraldatzen segitzea

Unai Andraka, berriz ere, alkate egiteko helburuarekin aurkeztuko da maiatzeko hauteskundeetan. Andrakak 2011n hartu zuen Lemoizeko aginte makila, Pedro Botejara jeltzalearen lekukoa hartu zuenean.Lemoizeko Uri Batzarrak Andraka aukeratu du maiatzeko hauteskundeetarako hautagai. Bere lana eta Udalean egin duen kudeaketa funtsezko izan dira herrikideen aho-bateko babesa jasotzeko orduan.

Andrakak esperientzia handia du EAJ-PNV-ren barruan. EGIren herrialde batzarraren idazkaria izan zen eta EGIren aberri kontseiluko arduraduna. Udal esparruan Uri Buru Batzarreko kidea izan da sei urtetan eta lehendakari beste hiru urtetan.

Andrakak urteotan jasotako "babesa eta konfiantza" eskertu du eta herritarrekin "konpromiso irmoa" hartu du "Udal hurbilagoa lortzeko ahalegina egiten segitzeko". Zentzu honetan, bere helburua izango da arazoak konpontzeari edo eskariei erantzuteari ekingo dion Udala lortzea. Gauza guztien gainetik azpimarratu du urte hauetan guztietan EAJ-PNV-ren udal taldearen helburua izan dela zintzotasuna, gardentasuna eta lan ona bermatzea.

Lemoizeko alkategaiak orain arteko bideari ekin nahi dio, udal zerbitzu eta azpiegiturak hobetuz eta herrikideen bizitza kalitate hobea lortzeko. Egindako lanen artean egon dira udal kutxa bide onera eramatea, Andrakako errotonda berria, araztegia martxan jartzea eta kirol azpiegiturak hobetzea, bereziki ume eta gazteentzat.

Nekazaritza teknikaria da lanbidez, ezkondua da eta seme eta alaba baten aita. Lemoizeko alkatea ehiza du zaletasun eta ahal duen guztietan praktikatzen du.

TALDEA

• MARIASUN SALAZAR ZABALA
• IGOTZ ZUBIZARRETA URIBARRI
• FRANCISCO JAVIER MADARIAGA BARINAGA
• ANTXON ABAROA EGURROLA
• MATILDE LINEO REVUELTA
• IBON GOIRIENA GALDONA
• IÑAKI ALONSO MARTIN
• IRATXE BILBAO ITURRI
• JOSE LUIS ETXABE UTXUPI
• IBAN LANDA VEGA
• IZASKUN IRUSTA ARRUTI

EGITASMOA

1.- Uri antolamenduko plan orokor barria

2.- Arrantzaleen kofradia barria

3.- Udal eskolea handitzea

4.- Lemoizko zentral nuklearra

5.- Udal kudeaketa eraginkorra

6.- Bideak asfaltetea, argiak , ura eta saneamendua

7.- Kulturea

8.- Turismo eta aisia ibilbide barria

9.- Enplegua

10.- Gizarte ekintzea