EGITASMOA
1. Hauek izango dira gure jarrerak. Egiten dakiguna da, ESKAINTZEN DUGUNA DA.
Hauek izango dira gure jarrerak. Egiten dakiguna da, eskeintzen duguna da. Herritarrek zatiketez nazkatuta daude, gaude. Jar gaitezen, guztiak, elkarrekin arraunean. Diferentziak alde batera utziz, batzen gaituena lehenetsiz. Ordizia lehenetsiz.
2. HERRI-KONTSULTA, zaborra biltzeko sistema erabakitzeko.
Adierazpen askatasunaz baliatuz, ordiziarren duintasuna berreskuratzea bideratuko dugu eta gure aukera egingo dugu. Aldez aurretik, informazioa emango dugu, sistema baten edo bestearen onura eta eragozpenen EGIA OSOA emateko. Gatazka sortzen dituzten proiektuak kontsulta baten bidez erabakiko dira.
3. JARDUERA EKONOMIKOA.
Enplegu eta ekonomiari emango diogu lehentasun nagusiena. Enpresa-jarduera, merkataritza, azoka eta kalitatezko turismoa sustatuko dugu, gizarte justuagoa eta kohesionatuagoaren oinarri gisa. Ordiziak, merkataritza eta zerbitzu herri gisa duen izpiritua berreskura dezan bultzatuko dugu.
4. MUGIKORTASUNA ETA APARKALEKUAK.
Ordiziak duen merkataritza eta zerbitzu jarduera kontuan hartuko duen mugikortasun jasangarria sustatuko dugu. Herritarrei galdetuko diegu trafiko aldaketen gainean eta aukera guztiak aztertuko ditugu, aparkalekuen gabezia konpondu ahal izateko.
5. INBERTSIO PUBLIKOA.
Proiektu estrategikoei eman bultzada. Legealdiko lehentasunak Kudeaketa Plan batean adostu eta jarriko ditugu, geldirik eta blokeatuta dauden proiektu nagusienei abiada berria emateko.
6. GIZARTE JUSTIZIA.
Inor ez utzi bazterrean. Gizarte Ongizate departamentua eta dituen baliabideak, doitasunez blindatuko ditugu, ematen dituen zerbitzuak bermatzeko, eta baita ahulenak diren pertsona eta taldeen arreta soziala bermatzeko.
7. BIZI-KALITATEA
Herritarren beharrei erantzun azkarra eta berehalakoa. Herriko instalazio, azpiegitura eta
zerbitzuak hobetzeko plana onartu, beti ere, etengabe hobekuntza irizpideekin.
8. GARDENTASUNean eta informazioan oinarritutako udal kudeaketaren alde gaude.
Udala gobernatu eta zuzentzeko bestelako eredua, benetako parte-hartzearen aldeko apustua eginez, gobernu onaren eta etikaren printzipioei jarraituz, zorrotz eta gardenki. Tokiko politikaren kalitate instituzionalerako konpromiso, jokabide eta gobernu onerako kodearen atxikitzea bultzatuko dugu.
9. HERRI-PARTAIDETZA. Ez inposizioari, bai adostasunari.
Alderdi politiko, erakunde eta agente ekonomiko eta sozialen arteko lankidetzatik abiatuta gobernatu. Benetako parte hartzearen aldeko apustu eginez. Partaidetza Araua bultzatu eta garatuko dugu.
10. ASOZIAZIONISMOA ETA BOLUNTARIOTZA. Herri bizi eta dinamikoa izaten jarraitu behar du Ordiziak.
Talde, elkarte, erakunde eta herri-agenteei lagundu eta bultzatu, boluntarioen erreleboa eta Ordiziako elkarte-sarearen aberastasuna bermatzeko.
